ခရေပွင့်လေးများ.. (ဇာတ်သိမ်း)

ဒုတိယနှစ် မေဂျာတွေ ခွဲတော့ တင့်ထက်က Commerce, ကျွန်မနှင့် မြနန္ဒာက Economics၊ မိုးကတော့ Statistic။

"တင့်ထက် Commerce ယူတာက ဟုတ်ပါပြီ။ နင်တို့ နှစ်ယောက်က ဘာလို့ Economics ကို ရွေးချယ်တာလဲ" မိုးရဲ့  အမေးကို မြနန္ဒာက

"Economics နဲ့ Commerce က ကွာခြားချက်တွေများတာ နင်တို့ အသိပဲ. ငါက Public Policy ကို စိတ်ဝင်စားတယ် အဲဒါကြောင့်ယူတာ"

"ငယ် နင်ကရော"

"ငါလား. ငါက Accountant မလုပ်ချင်ဘူး. Economic Development ကို စိတ်ဝင်စားတယ်။ ငါ နောက်ဆုံးနှစ် စာတမ်းရေးရင်တောင် ငါ Regional Development ကို ရေးမယ် စဉ်းစားတယ်"

ကျွန်မတို့ အဖြေစကားကို ကြားတော့ မိုးက သက်ပြင်းချသည်။ မိုးက ကွန်ပြူတာ ဘာသာရပ်က လွဲလို့ စိတ်မ၀င်စားဘူးဆိုတာ ကျွန်မတို့ သိနေသောကြောင့် မိုးကို ဘာမှ ပြန်မေးမနေတော့ပါ။

မေဂျာတွေကွဲပြီး သက်ဆိုင်ရာ အခန်းတွေမှာ ကိုယ်စီတက်ရပေမယ့် ကျွန်မတို့ လေးယောက် မခွဲစတမ်း အမြဲတတွဲတွဲ။
သို့ပေမယ့် မိုးကတော့ နှလုံးသားရေးရာ ပြဿနာတွေနှင့် ကျောင်းပျက်ရက်တွေ များလာခဲ့သည်။ ပထမဦးဆုံး အသည်းကွဲခြင်းကို မိုးခံစားရချိန်မှာပဲ ကျွန်မတို့ တစ်တွေ ဘယ်လို ဘယ်ပုံအားပေးရမယ်မှန်း မသိ။ ကျောင်း မိန်းလမ်းမကြီးရဲ့  ဘေး ရေနှုတ်မြောင်း ဘေးမှာ ကလေးတစ်ယောက်လို အော်ငိုနေတဲ့ မိုးကို အားပေးဖို့ စကားလုံး မရှိခဲ့ပါ။ ထို့နောက်တွင်တော့ မိုး ကျောင်းမတက်တော့။

ကျောင်းအပ်ရန် နောက်ဆုံးသတ်မှတ်ထားသော ဇန်န၀ါရီလ (၃၁) ရက်။ နှစ်စ ကျောင်းဖွင့်သည့် ဒီဇင်ဘာကတည်းက ကျောင်းအပ်လေ့ရှိသော ကျွန်မတို့ သုံးယောက် မိုး ကျောင်းအပ်ဖို့ သတိရလိုက်မိသည်က ဖေဖော်ဝါရီ လကုန်။ မော်ကွန်းထိန်း ရုံးခန်းအထိ သွားပြီး မိုးနှင့် အတူ ကျွန်မတို့ သုံးယောက် အသနားခံပေမယ့် မိုးတစ်ယောက် ဒုတိယနှစ် ကျောင်းဝင်ခွင့် မရလိုက်တော့။ အချစ်တစ်ခုကြောင့်လား။ ကျွန်မတို့ လို သူငယ်ချင်းတွေရဲ့  ပေါ့ဆမှု့ကြောင့်လား။ မိုး ကျောင်းတစ်နှစ် အောက်သွားခဲ့သည်။ အတန်းချင်းလည်း မတူ၊ အခန်းချင်းလည်း မတူတော့သည့် မိုးသည် ကျွန်မတို့ ပုတီးကုန်းလေးထဲက ပထမဦးဆုံး ပဲ့ကြွေခဲ့သော ပုတီးစေ့လေး တစ်လုံးဖြစ်ခဲ့သည်။

"စာမေးပွဲနီးပြီဟ..ငါ့ကို စာရှင်းပြဦး .. "
စာမေးပွဲ နီးရင် ကျွန်မတို့ ဆုံရပ်က မြနန္ဒာ တို့ စိန်ဂျွန်း အိမ်။ သုံးယောက်ဆုံပြီး စာလုပ်ကြသည်ထက် မုန့်လုပ်စားသည့် အချိန်က ပိုများသည်ဆိုရမည်။
အဓိက ဘာသာရပ်တွေ မတူသော်လည်း Minor ဖြစ်သည့် သချာင်္ဘာသာကတော့ အတူတူပင်။ ဒါကြောင့် တင့်ထက်ကို ကျွန်မ စာရှင်းပြခိုင်းခြင်းရယ်။ တင့်ထက်ကလည်း မငြီးမငြူ ရှင်းပြပေးပါသည်။

"ဒါက ဒီလိုလုပ်လိုက်တော့ ဒီအဖြေထွက်လာတယ်" လက်ညှိုး ဟိုထောက် ဒီထောက်နှင့် သချာင်္ကို မတွက်ပြဘဲ ရှင်းပြနေသော တင့်ထက်ကို ကြည့်ရင်း ကျွန်မ ရယ်ချင်လာသည်.။

"မြနန္ဒာ. လုပ်ဦး သူက ဒီက ဒီလိုဆိုတော့ ငါလည်း ဘာကို နားလည်ရမယ်မှန်း မသိတော့ဘူး" ဒီတော့ မြနန္ဒာက ဆရာမပီသစွာပဲ စာရှင်းပြပေးတော့သည်။ ထုံးစံအတိုင်း စာလုပ်တာက နည်းနည်း။ စကားများတာက များများ။

"စာကို မြန်မြန် ပြီးအောင်လုပ် . ပြီးရင် လှည်းတန်းသွားမယ်. ကန်ဘောင်သွားထိုင်ရအောင်"

ကန်ဘောင်ကို သွားထိုင်တိုင်း ကျွန်မ မိုးကို သတိရနေမိသည်။ တခါ ကျွန်မနဲ့ မိုး ထိုင်နေတာကို အတွဲမှတ်ပြီး ချောင်းတဲ့ သူက ရှိသေး။ အဲဒီနေ့က မိုးက ရှပ်အကျီင်္နဲ့ ဂျင်းဘောင်းဘီ ၀တ်ထားပြီး ကျွန်မ ပုခုံးပေါ် လက်တင်ထားတော့လည်း ထင်ချင်စရာ။ မိုးက အသာနေဆိုတဲ့ ပုံစံမျိုးနှင့် ကျွန်မကို အတင်းဖက်ထားသည်။ နောက်မှ အတွဲချောင်းတဲ့ သူလည်း ကျွန်မတို့ ရယ်သံကို ကြားမှ တမင်တကာ စနေမှန်း သိပြီး ပြေးတော့သည်။ အတိတ်အကြောင်းတွေ တွေးမိတော့ မိုးကို ပြန်သတိရရင်း ပြုံးဖြစ်သည်။ အင်းလျားကန်ဘောင်ကတော့ ၀တ္တရားမပျက် လေညှင်းနဲ့ အတူ စောင့်ကြိုနေရှာသည်။

တစ်ရက်တော့ တင့်ထက် မျက်နှာမှုန်ကုပ်ကုပ်နှင့် ကျွန်မတို့ အတန်းထဲ ရောက်လာခဲ့သည်။

"တင့်ထက် ဘာဖြစ်လို့လဲ."

"ဒီလိုပါပဲဟာ. ငါက နင်တို့နဲ့ နေတာများတော့ အတန်းတွေ လွတ်တယ်လေ. ဒီတော့ စာကူးရအောင် စာအုပ်ဌားတော့ ဦးနှောက်ဖောက်အစားမခံနိုင်ဘူးဆိုပြီး စာအုပ်မဌားဘူးလေ. အဲဒါ စိတ်တိုလာတာ"

"သြော် ကလေးစိတ်တွေပဲ ရှိသေးလို့နေမှာပေါ့ဟာ စိတ်ထဲမထားနဲ့" မြနန္ဒာက ပြောရာပြေကြောင်းပြောသည်။

"နင်တို့ မသိလို့. ငါ အတန်းထဲမှာ အထီးကျန်ဆန်တယ်ဟ. သူတို့ပြောတာ အကျီတွေ. လက်ဝတ်လက်စား ဘယ်လောက်တန်တယ်ဆိုတာတွေ. ငါမှ စိတ်မ၀င်စားတာ.ငါက အကျီဆိုရင် ၀တ်စရာပဲ. စားစရာဆို စားဖို့ပဲ. ဇီဇာချဲ့နေတာကို မကြိုက်ဘူး. ဒီတော့ ငါက သီးသန့် ဖြစ်နေတာ. ကျောင်းတက်ရတာ နင်တို့နဲ့ တွေ့မှ ပျော်တော့တယ်. "

ဟုတ်ပါသည်။ တင့်ထက်က အလှအပ မပြောနှင့်။ အရောင်ဆိုလျှင်တောင် တွဲစပ်ဝတ်ရမယ်မှန်းကို စိတ်မ၀င်စားသော မိန်းကလေးတစ်ယောက်ပင်။ ကျွန်မတို့ လေးယောက်တည်းတွင်တော့ (ကျွန်မတို့အတွက်တော့) ချစ်စရာကောင်းလောက်အောင် ဇီဇာအကြောင်ဆုံး ဟု ဆိုရပေမည်။ အတန်းထဲမှာ မပျော်တော့သော တင့်ထက်ကတော့ ကျွန်မတို့ ရှိရာ Eco အခန်းမှာသာ အနေများရင်း လက်ချာတွေ လွတ်ရင်း ကူးရင်းနဲ့ပဲ သံသရာလည်နေတော့သည်။

ဒီလိုနှင့် သုံးနှစ်တာ ကာလဆိုတာလည်း အချိန်ရထားနှင့်အတူ တရိပ်ရိပ်ဖြတ်သန်းလို့။ နောက်ဆုံးနှစ် အောင်စာရင်းတွေ ထွက်တာ့ တင့်ထက်နှင့် မြနန္ဒာက Qualified ၀င်သည်။ သူတို့ Master ဆက်တက်တော့ ကျွန်မက ယောင်လည်လည် ရှိနေဆဲ။ နောက်တစ်နှစ်ဆိုတဲ့ အချိန်ကာလမှာပဲ တင့်ထက်က ကျောင်းဆက်မတက်တော့။ Master နှစ်နှစ်မှာ တစ်နှစ်ထဲ ကျန်တော့၍ ပြီးဆုံးအောင် ဆက်တက်ဖို့ တိုက်တွန်းသော်လည်း လက်မခံတော့။

"ငယ် ငါ့ကို တင်မိုးလွင် မော်ဒယ်သင်တန်း လိုက်အပ်ပေးစမ်းပါ."
"ဟေ တင့်ထက် နင် ရူးများသွားပြီလား. နင်က မော်ဒယ်သင်တန်း တက်မယ်???"

ကျွန်မနှင့် မြနန္ဒာက တအံ့တသြ။ ထို့နောက်တွင်တော့ (၃၉) လမ်းမှာနေသော တင့်ထက်က Asia Plaza က တင်မိုးလွင် မော်ဒယ်သင်တန်းကို အိမ်နေရင်း ဂါဝန်အစုတ်နှင့် သွားတက်သည်ဆိုတာကိုတော့ ကျွန်မတို့ မအံ့သြတော့ပါ။ ကျောင်းထက် ပိုအမြင်ကျယ်သော. အလှအပကို အမြတ်တနိုး ရှာဖွေနေကြသော သူများ အလယ်မှာ ကျွန်မ သူငယ်ချင်းလေး ဒေါင်းယောင်မဆောင်နိုင်သော ကျီးဖြစ်နေမှာပဲ စိုးရိမ်နေမိတော့သည်။ Model သင်တန်းပြီးလို့ တစခန်းထတာက Designer သင်တန်း တက်ချင်သည်ဆိုတာပဲ ဖြစ်သည်။ အရောင်ကိုတောင် လှပအောင် တွဲစပ် ၀တ်ဖို့ စိတ်မ၀င်စားသော မိန်းကလေးတစ်ယောက် Designer အဖြစ် အသက်မွေးဝမ်းကျောင်းပြုမည်ဆိုတော့ စဉ်းစားဖို့ ကောင်းနေပေမယ့် တင့်ထက်ရဲ့  စိတ်အားထက်သန်မှု့ကို ကျွန်မ တို့ မတားဖြစ်ခဲ့ပါ။ ဒီလိုနှင့် ဘ၀လမ်းကြောင်းရွေးချယ်မှု့တွေမှာ ကျွန်မတို့ တွဲလက်တွေ မဖြုတ်ပေမယ့် ခွဲခဲ့ရကြသည်။

အခုလက်ရှိအချိန်မှာတော့ အလှအပကို စိတ်မ၀င်စားသော တင့်ထက်က အောင်မြင်သော Designer သင်တန်း တည်ထောင်ထားသလို Tutor လုပ်မည် ဆိုသော မြနန္ဒာကတော့ NGO အဖွဲ့အစည်းတစ်ခု ဖွဲ့စည်းလို့။ ယောကျာင်္းလေးဆန်သော မိုးက အိမ်ထောင်ရှင်မကြီး ဖြစ်လို့။ နောက်ဆုံး Accountant မလုပ်ချင်ခဲ့သော Regional Development ကို စိတ်ဝင်စားသော ကျွန်မက ကိုယ့်နေရပ်မှာတောင် တိုးတက်အောင်မလုပ်နိုင်ဘဲ ရေခြားမြေခြားမှာ Accountant ဖြစ်လို့။ ထိုသို့ပင် ဘ၀က မျှော်မှန်းထားသလို ဖြစ်ခွင့် ရချင်မှလည်း ရခဲ့လိမ့်မည်။ တခါတလေမှာ အပင်ဟာ ပန်းပွင့်ကြွေမှာစိုးလို့ မပွင့်ရဲဘဲ မရှိကြသလို ယုံကြည်ရာ အိပ်မက်ဆိုတာလည်း ပျောက်ပျက်သွားမှာစိုး၍ မမက်ဘဲ နေလို့တော့ မရ။ ကျွန်မတို့ အိပ်မက်တွေ မက်ခဲ့ကြသည်။ ထိုအိပ်မက်တွေက ကျွန်မတို့ရဲ့  ဝေခဲ့သော ပန်းတွေ ဖြစ်သလို ကြွေခဲ့ရင်လည်း ဘယ်နေရာဒေသရောက်ရောက် ခရေပန်းလေးတွေ အဖြစ် မွှေးပျံ့နေဦးမယ်ဆိုတာ ။

"ပြီးပါပြီ"

***ဇူးငယ်***